Jóla hvað?

Hæ kæru vinir

Ekki verið mikil jól hjá okkur ennþá. vorum med dinner á aðfangadag þar sem allt gekk upp. Morgunmat daginn eftir fyrir hótelgesti og svo hlaðborð í hádeginu sem var fullbókað og reyndar yfirbókað. Djísus, hvað við hlupum og redduðum hlutum. Allmennt álit allra var að þetta hefði verið meira en super. Meira að segja einn af ritsjórum eins þekktasta matartimarits var hérna í mat og átti ekki til orði yfir hvað þetta var glæsilegt og gott og "good value" eða mikið fyrir peninginn. Þetta var Skandinavísk hlaðborð með ég veit ekki hvað mörgum réttum. Ekki viss um að okkur hefði þótt þetta mjög skandinavískt, en þetta var nýtt hérna og sló svona rækilega í gegn.

Við Bói stálumst í burtu um fimm leitið til Jenny í einn drykk, sem urðu reyndar tveir. Mikið var það gott fyrir okkur aðeins að komast héðan af hótelinu. Þetta var næstum eins og tveggja vikna frí þótt þetta hafi bara orðið tæpir tveir tímar. Þegar við komum til baka var allt orðið fullt af gestum og alls kona krísur í gangi. Okkur tókst nú samt að leysa úr öllu og allir voru ánægðir.

Við höfðum verið að láta okkur dreyma um að komast niður að á til að eiga jólastund tveir saman, en það var strax augljóst að ekki yrði af því. Ég ætlaði þá að koma Bóa á óvart með því að láta dúka borð lengst upp í garðinum okkar og fá leyfar af hlaðborðinu og góða flösku af víni. Því miður gleymdi ég því í öllum látunum og við fórum heim um miðnætti úrvinda úr þreytu.

Vöknuðum snemma í morgun. 'i morgun, djísus hvað tíminn líður hratt. Vorum með mjög áriðandi gest hérna sem er forystumaður fyrir stjórnarandstöðuna í suður Afríku. ekki búið að vera neitt nema vesen með hann. ætli hann sé ekki soldið Össur Skarphéðins...... Nei segi bara svona. Þau alla vegna tékkuðu út í morgun og voru mjög ánægð. Meira segi gamli pabbi hans sem var búin að öskra á Bóa að hann hefði eyðilagt jólin fyrir honum þegar hann bauð honum betra og stærra herbergi. hann gaf mjög gott þjórfé, þannig að líklega hefur hann orðið ánægður á endanum.

Loahna er að gera kraftaverk þessa dagana. Það er engu líkara en hún hafi lifnað við þegar hún var lækkuð úr tign úr yfir kokki í aðstoðarkokk. Hún er með nýja matseðla. er að passa upp á hráefni og hún kallar í mann þegar hana vantar hjálp og segir þá Villi viltu gjöra svo vel að hjálpa mér. og brosir meira að segja. Búinn að henda nokkrum þjónum útur eldhúsina þegar ég hef staðið þá að því að gera forrétti eða eftirrétti. Skylaboðin eru núna að ég kem til með að sparka í rassinn á þeim ef ég stend þá að því aftur. Hlakka til að sparka í þá.......

Það er slatti að gera núna í hádeginu og við Bói ætlum á eftir að búa til smá tilbeiðslu horn upp lengst upp í garðinum okkar. þar ætlum við að koma fyrir alls konar trúartáknum (ótrúlegt hvað við eigum af alls konar dóti sem hægt er að nota). Þetta á að vera staður þar sem maður getur beðið, eða hugleitt eða bara átt gæðastund í friði og ró. Þar ætlum við að strá öskunni hennar Mörtu í kringum svo hún geti vaktað svæðið.

Vona að jólin hafi verið góð hjá ykkur. Við ætlum að halda upp á okkar jól seinna. Sagan er svo ranglega skráð hvort eð er að hver veit hvort jesús hafi virkilega fæðst 24 desember?. Við finnum okkur einhvern annan dag sem hentar okkur.