Góðir dagar

Búnir að vera góðir dagar hérna, engar krísur og gott að hafa Sossu, Óla og Lárus hérna. Við fórum til Cape Town á mánudaginn og vorum þar eina nótt. Upp á Table Mountain og markaðinn og fleira og fleira. Var virkilega huggulegt. Allt gekk vel hérna, kom okkur á óvart. Engar uppákomur og búið að setja nýjar blómaskreitingar útum allt. Æðislega flottar með blómstrandi ferskjugreinum og plómugreinum. Þetta er allt í blóma núna og er svakalega flott. Óli og Lárus fóru svo til Saldano til að halda áfram með námskeiðið sem þeir eru að halda þar fyrir Sea Harwest um veiðarfæri. Sossa kom með okkur hingað heim.

Howard, (nýji garðyrkjumaðurinn) er hættur. Hann var búin að vera mikið lasinn, þó hann hafi alltaf mætt til vinnu. Kom víst í ljós það sem okkur hafði grunað, að hann væri með berkla (TB). Þetta er víst frekar algengur sjúkdómur hérna. Hann var sendur af lækninum til heimahaganna sinna þar sem hann verður undir meðferð og eftirliti í einhverja mánuði. Vill koma aftur eftir 3-4 mánuði. Vitum ekki alv eg hvort það gengur. Verðum að hafa garðyrkjumann. Ami og Bói eru á fullu núna að færa til plöntur og planta fyrir framan aðalbygginguna. Vorum með rósarunna þar sem okkur fannst ekkert flottir. Svo að núna er verið að setja Day Lily og Agapantus, sem við eigum í massavís hérna um allan garðinn hjá okkur. Verður mikil breyting þegar það er búið. Í dag er svo bókhaldsdagur eina ferðina enn hjá mér. Gengur hægt, en gengur þó.

Stebbi, sendu okkur e-mail á greytonlodge@kingsley.co.za Við sækjum þig að sjálfsögðu. Jæja, áfram með smjörið, má ekki vera að þessu drolli. Love and leave you.