Bóa blogg

Þriðjudagur, frídagur Villa, Kallt, (er í úlpu og peysu), og rigning. Vona að Villi setji myndir af blómum (sérstaklega Tillandsíunni sem ég fann blómstrandir í eikartrénu) með þessu bloggi mínu.

Villi er búinn að hegða sér eins og drottningin af Saba í dag. Hringir bara að pantar og pantar þjónustu sem ég má hlaupa með því heimilið okkar er prívat og starfsfólkinu er ekki leyft að koma þar inn. Hef notað mína 2 fyrstu miðvikudags frídaga í þrif og er að berjast við hann um að halda því snyrtilegu (er svo einstaklega mikill snyrtipinni sjálfur..... Ha, ha).

Skapið í mér er rokkandi, kveikjuþræðirnir einstaklega stuttir (sérstaklega við Villa greyið), en fékk staðfest hjá lækni að ég er við hestaheilsu. Aftur að fást við leiðindarmál með starfsfólkið (bara einn eða tveir) og nenni ekki að útlista hvað það er, en er að vona að einn af kokkunum (Karen) sé að hætta (að eigin vilja) fyrir helgi.

Besti vinur okkar hér, Volga flutti í gær. Táraðist þegar ég keyrði framhjá húsinu hennar í gær og sá flutningabílana. Hún hringdi í gærkvöld yfir sig ánægð með nýja heimilið og við Villi samgleðjumst henni, en SÖKNUÐURINN er sár (eins og það sé á það bætandi). Hún skildi eftir sig gjafir fyrir ALLT starfsfólkið okkar, enda hefur það séð um að elda fyrir hana daglega seinustu mánuði.

Ekkert að frétta af sölumálunum, enda er orkubúskapurinn okkar ekki í Toppi eftir seinustu mánuði. Súsanna og Bylgja (systur mínar) eru að standa einar í erfiðum skiptum með mig hérna í Greyton og Öbbu á Egilsstöðum. Hugsa til þeirra oft á dag og eins til ykkar allra hinna sem misstuðu kæran vin í Róberti. Hann verður jarðsunginn frá Fríkirkjunni á fimmtudaginn klukkan 16:00. Komum til með að vera með fjölskyldu hans og vinum í huga þá.

Val Turner, nágranni okkar sem studdi okkur með undirskrftarlista af Hollensku kéllingunni og tónlistinni á föstudögum (sem hollenska kerlingin þoldi ekki) kom hér við og fór að gráta þegar ég sagði henni að Lodge’ið væri að fara á sölu. Við eigum kannski fleiri að hér í Greyton en mann grunaði?

Við Villi ætlum að taka okkur 2-3 daga frí á næstunni og heimsækja Volga (4-5 tíma akstur héðan) og SLAPPA af. Hlakka til eins og barn sem bíður jólanna. Eitt frábært! Fengum “séséað” lesendabréfi sem á að birtast í næstu útgáfu af bæjarblaðinu. Hún mætti hérna, án þess að hafa bókað herbergi, með tveim vinkonum sínum. Í þessu lesendabréfi segist hún hafa ferðast um allan heiminn, EN ALDREI upplifaði aðra eins þjónustu, fegurð hótelsins eða heiðarleika starfsfólksins eins og á hótelinu okkar, Hlakka til að sjá þetta “lesendabréf” um næstu mánaðarmót.

Hugsum til ykkar á fimmtudaginn, Púnktur, búið bless – Bói

Ps. Veit ekki alveg hvers vegna maður er að “blogga”, það nennir enginn að kommentera nema Hafdís, Anna K, Inga og Ása..........