Lífs eða liðinn

Þetta eru búnir að vera mjög erfiðir dagar. Á sunnudaginn var Bói farinn að vera lasinn. Tók smá kast í þvottahúsinu þegar hann komst að því að Gilitrutt var að þvo dúka og föt að heiman frá sér. Henti öllu líninu útúr þvottahúsinu og bað hana um að gjöra svo vel og koma skipulagi á þetta þvottahús einn tveir og þrír. Hann varð reiðari en ég hef séð hann lengi. Eiginlega aldrei séð hann svona reiðan. Jæja, hann fékk sér sjúss um ellefuleitið til að róa taugarnar. Þegar ég kom seint og síðar meir, eftir að hafa sofið eins og prinsessan á bauninni, var hann ennþá reiður og æstur. Róaðist nú allt saman og bæði Margrét (já, hún er mætt aftur) og Kahlina sögðu að þetta þvottahús væri til skammar og þær skyldu vel hvers vegna hann hefði orðið svona reiður.

Never mind. Ég sagði honum að fara í leggju sem hann dró og dró fram eftir degi. Hann alla vegna lagði sig loksins. Vaknaði endurnærður og til í aksjón. Kvöldið gekk vel. Hann vaknaði síðan um fimm leitið um morguninn og hafði þá ekki sofið mikið. Hann fór að sækja staffið þrátt fyrir að ég hefði átt að sækja það. Sem betur fer vaknaði ég snemma, eða um níu leitið og þegar ég kom útúr sturtunni, þá hringdi síminn. Það var Bói að spyrja hvort ég væri ekki að koma. Ég náttúrulega dreif mig. Þá leið honum svo illa að hann vildi komast í hvíld. Ég fylgdi honum heim og hann bað mig um að vera hjá sér. Sem ég gerði. Svo fór ég rétt sem snöggvast inn á hótel að tékka á status og kom svo strax aftur. Þá leið honum ennþá mjög illa. Bað mig að leggjast með sér og taka utan um sig, sem ég gerði. Svo leið honum svo illa að hann gat ekki legið svo við fórum á fætur. Ég tók utan um hann og hann næstum leið niður um leið. Var ekki viss hvort þetta væri þreyta, streita eða hvað. Ég kom honum alla vegna í hvíld aftur og rauk á hótelið og bað Gleði í hringja í doctorinn, sem var til í taka á móti honum strax en gat ekki komið. Ég rauk til baka og sa

“Ohh, það er svo erfitt að skrifa þetta, tárin bara leka” Never mind.

Sagði Bóa að ég hefði fengið tíma hjá lækni og hvort hann vildi ekki ekki koma. Jú, rukum þangað og hún rannsakaði hann. Sagði strax að þetta væri hjartaslag og að hann þyrfti að komast til læknis strax. Ekki hægt að bíða eftir sjúkrabíl (tekur hálftíma að fá hann til Greyton), þannig að ég rauk heim og pakkaði niður í smá tösku snyrtidóti fyrir hann (gleymdi náttúrlega að pakka fyrir mig), fékk mér eina róandi töflu , kippti Kristjáni með, lét Gleði vita og svo rukum við til Somerset West. Ég fór í Sjúmakker gírinn á formúla 1 BMW inum mínum og keyrði á 160 ríflega með hann og Kristján. Bóa leið ekki vel á leiðinni, enda vanur að skipta sér að akstrinum hjá mér. Hann vaggaði sér til og frá alla leiðina.

Gvöð hvað mér leið illa, en það var bara að keyra og keyra eins hratt og ég mögulega gat. Veit ekki enn hvað ég hef fengið margar hraðasektir” Var eins og Sjúkammer (eða hvað hann nú heitir í Formlula 1)

Komust á spítalann og Bóa var gefið morfín og settur beint í aðgerð. Þau sáu það strax að þetta var mjög alvarlegt slag og þetta væri spurning um líf og dauða.. Bói var samt með meðvitund allan tímann og bar sig vel. Náði meira að segja að biðja Kristján um að setja eina sígó undir koddann sem hann gæti reykt þegar hann kæmi úr aðgerðinni. Svona hress var hann nú. Hann þurfti líka að fylla út eitthvað eyðublað þar sem hann heimilaði aðgerðina. Hann skrifaði þar: Please make sure you do your job properly and that I come alive out of the operation. Var reyndar ekki alveg nóg að mati hjúkkunnar. Hann þurfti að skrifa að það ætti að þræða æðarnar og gera eitthvað við hjartað svo hann gæti lifað lengur.. Jæja í aðgerðina fór hann fimm minútum efir að við komum. Fékk staðdeifingu, plús morfínið og svo var þrætt í gegnum nárann alla leið upp í hjarta. Þar var sett eitthvað rör, blásin út blaðra og að lokum sett net til að þétta æðina. Þetta var ein aðal æðin sem flytur súrefni til hjartans. Aðgerðin gekk vel og allar aðrar æðar litu vel út. Fínt flæði og ekkert athugavert. Hann var settur á gjörgæslu þar sem hann var í tvær nætur. Þar gaf hann hjúkkunum og læknunum mjög erfiðan tíma. Heimtaði að fá fulla þjónustu fyrir peninginn, enda var þetta rándýrt og því miður erum við ekki tryggðir. Never mind (þetta eru bara peningar) hann var með smá óreglu á hjartslætti í ca 24 tíma eftir aðgerðina, en eftir það var hann bara fínn. Leið vel og leiddist svakalega, þrátt fyrir að ég og Kristján værum að koma til hans eins oft og við máttum.. Svaf reyndar mikið, enda mikil uppsöfnuð þreyta og svo er þessi aðgerð víst mjög erfið. Fólk verður mjög þreytt og slappt í ca hálfan mánuð á eftir alla vegna.

Hann var svo seinustu nóttina á almennri deild, og sagði þar að hann væri að drepast úr leiðindum ef hann kæmist ekki heim fljótt. Jæja, hann var útskrifaður í dag. Leið vel og fullur af orku, þrátt fyrir allt. Orkan reyndar endist ekki mjög langt og ég sparkaði honum í rúmið um fimm leitið. Svo er það kolesterol léttur matur, Hættir að reykja báðir (Endilega hjálpið okkur, það verður ekki auðvelt), komir á sprey og tyggjó og s.frv. Mikil hvíld næstu tvær vikur og svo eftirfylgni eftir 3 vikur. Get ekki líst þv í hvað ég hef haft miklar áhyggjur og sofið lítið og þurft að grenja mikið. Hef samt tekist að vera bara sterkur og takast á við þetta eins og það hefur gerst.

Hvers vegna gerist þetta? Get alla vegna sagt að það er alls ekki Gilitrutt að kenna. Óheilbrigt líferni, erfðir, of mikið reykt, of mikið drukkið, of mikið unnið, of mikið stress og alltof mörg vandamál. Nú fara bara næstu dagar og vikur í að endurmeta hvernig við getum breytt þessu til þess að komast lifandi út úr þessu. Bói barði á hliðið þarna uppi en komst ekki inn, sem betur fer. Móðir okkar, Guð, vildi ekki fá hann strax, þannig að það er best að taka sig saman og sjá til þess að við getum lifað í mörg ár til viðbótar. Þetta var svakalega alvarlegt og það er eins gott að taka á því.....

Takk elsku vinirnir og fjölskylda sem hafa staðið með okkur eins og klettir og verið dugleg að hringja og fylgjast með og gefa okkur stuðning. Takk allir sem hafa verið að biðja fyrir Bóa, þetta skiptir miklu máli. Staffið okkar hefur verið með bænastund á hverjum morgni áður en þau hafa hafið vinnu, þar sem þau hafa beðið fyrir Bóa mínum. Takk fyrir allt og allt.

Ps. Takk, Árni Sal, Soffía, Ragna. Inga (rétt hjá þér, það skiptir málir hvernig við tökumst á við allt sem uppá kemur í lífinu), Jói, Gyða, 8villt og Gússý og ef það eru fleiri þá takk líka fyrir hamingju óskir..