Jólin eru komin á Greyton Lodge

Fór til George á laugardaginn. Var mjög gaman og minnti mig á dagana sem ég vann með Össuri. Get ekki sagt að ég sakni þeirra, en það var virkilega gaman að hitta allt liðið, sérstaklega Toby sem ég vann með í svo mörg ár og svo auðvitað Richard, Jamie og allt liðið sem vinnur með Allan hérna í SA.. Þetta varð sem betur fer ekki mjög seint kvöld. Ég var kominn á hótelið um eitt leitið og það hefði nú mörgum þótt mjög snemmt þegar ég vann hjá Össuri. Hitti líka Gabrielu sem vinnur hjá Jiri í Tékklandi og fékk fréttir af því hvernig gengur þar. Og svo var það Marlo Ortiz frá Mexiko (dreifiaðili sem ég rak og var ráðinn svo aftur, þegar ég hætti) Var nú ekkert sérlega gaman að hitta hann, enda forðaðist ég hann allt kvöldið. Og svo auðvitað fullt af öðru fólki sem ég hef kynnst í gegnum feril minn hjá Össuri. Í heildina var þetta mjög gaman og sérstaklega að komast í burtu héðan og rifja upp lífið mitt eins og það var áður en stökkið var tekið hingað. Sakna þess ekki.

Ami og Jacko eru búnir að vera á fullu í herberginu og allt gengið bara þokkalega. Get ekki sagt að ég sé hundrað prósent ánægður með vinnubrögðin, en þetta er allt í áttina. Ég fór til Somerset West í dag og er búinn að vera á fullu að kaupa gardínur, púða, skrauthluti, ryksugu, Halaal mat og ég veit ekki hvað. Var hlaupandi úr einni búð í aðra. Var samt ánægður þegar ég var búinn og veit að við komum til með að ná að gera þessi herbergi mjög flott áður en ráðstefnan byrjar.

Bói er búinn að vera á fullu að setja upp jólin hérna og það er að verða mjög jólalegt hérna. Það er mikið að gera í kvöld, þannig að Bói er á fullu, meðan að ég er bara að slaka á og stelast til að blogga. Fer í herbergin á morgun til að ganga frá loka frágangi og svo eru það bókhaldshlekkirnir sem skella á mér. Búinn að vera að ýta því frá mér og fresta og fresta en það er víst ekki val lengur. Love and leave you.